| 唔再拎個心黎對人 人地唔會覺得你好 反而仲見你好蝦搵你著數 ＊對人好同生得蠢兩回事黎架 ＊ 飛：我自己無咩？洗咩系你身上先拎到．低莊做法．無撚用．係話緊你呀！吹呀！我好撚尻屎架．哈哈哈...... |
| |
| 我要定性 放棄玩樂 放棄搵女朋友既諗法 ←提醒自己↓＊ （回想起呢三年都係白過．完全無得益．靜係得個玩字．玩到無錢．玩到比人睇死．玩到個格都變埋．成個傻仔咁．做衰埋自己．Um...兩體囉，覺得無所謂既咪玩落去囉．覺得要改變下既咪爭氣囉．我就覺得好有所謂，因為我覺得咁玩落去係玩緊自己．路有幾條．我行左入條黑路．果度好黑．環境好唔理想．令我覺得呢條路好討厭．所以我決定行返轉頭再行過第二條路．晒左好多時間．今次我好小心咁揀條好路．當玩緊個過關遊戲．有幾條路揀．但係得一條路先爆到機．參賽者要選岩果條路．入面困難從從．要面對好多估佢唔到既難關．而我都玩緊呢個Game．先前行錯路．返轉頭再行過．希望今次我無行錯．如果唔係又晒時間．最驚係時間到左我仲系度搵緊出路咁就死得．爆機又爆唔到．見人爆機又眼紅．所以我立定決心去行．我要比其它人行得更快．更有鬥心！） |
| |
| 呢兩日心情唔係咁好 系大陸既婆婆話身體唔好 佢話好驚會死 我阿媽亦都好擔心 聽日返大陸睇佢 我聽日要返工返唔到去 唉．．．突然有種想法 家人應該珍惜 家人死左即係親人少左一個 有點兒孤單 有時D野無左可能會永遠無左 無一樣野會永遠擁有或者永遠系身邊 無論生物抑或死物 人係咪要面臨失去一樣野果陣先黎珍惜？先知道後悔？本身如果要失去一樣野既時候，我一定唔想！因為我系擁有既時候我都有用心去珍惜...... |
| |
| 今日同個FD 仲有FD個女朋友去左名將食野 四十幾蚊任食 真係好抵呀 之後就去左奧海城度打機又睇戲 睇左果套柴犬奇蹟物語 真係好感人呀 仲忍唔住流左少少眼淚 係咪好低能呢 |
| |
